Gendarmerie nationale

D’ Gendarmerie nationale ( [ʒɑ̃daʁməʁi nasjɔnal](info), uff Diitsch sààga m’r [ʒɑ̃daʁmə'ʁi nasjɔ'nal]; uff Elsassisch Nàzionààlschàndàrmerii) ìsch a Polizäitruppa ìn Frànkrììch. Sitter ìhrer Grìndung ànna 1791 ìsch sa Tail vu da Frànzeescha Schtraitkräfta un ìsch àlso — ìm Geegasàtz züa da àndra frànzeescha Polizaikräfta — em Vertaidigungsminìschterium unterschtällt. Sitter’m 1. Janner 2009 ìsch sa àui em Ìnnaminìschterium unterschtällt.

D’ Gendarmerie nationale ìwwernìmmt polizäiliga Uffgààwa-n-ìm landliga Ràuim, wahrend àss d’ Police nationale ìn da Schtädt presänt ìsch. D’ baida Wàchkäärwer sìnn vunanànder unàbhangig àwwer düen oft mìtanànder schàffa. D’ Gendarmerie nationale ìwwernìmmt Uffgààwa vu Kriminààl- un Verwàltungspolizäi so wia militäärischa Polizäi- un Vertaidigungsuffgààwa. Dr Generààldirakter vu dr Nàzionààlschàndarmerii ìsch sitter 2019 dr Christian Rodriguez.

Ahnliga Orgànisàzioona vu da Sìcherhaitsdianschta fìndet maa zem Biischpììl ìn Schpània (d’ Guardia Civil), Itàlia (d’ Carabinieri) un ìn da Nììderland (d’ Koninklijke Marechaussee).